“Mənim Azadım” adlı tədbir keçirilib
23 yanvar 2025-ci il tarixdə A.Hümbətov adına 291 № Ekologiya liseyində İkinci Qarabağ müharibəsi qəhrəmanı Azad Hümbətovun doğum günü münasibətilə “Mənim Azadım” adlı tədbir keçirilib.
Tədbirdə şəhidin valideynləri- Arif Hümbətov, Leyla Hümbətova, Nərimanov rayon Ağsaqallar şurasının üzvü Vaqif Mehdiyev, liseyin direktoru Arif Əsədov, liseyin müəllim və şagird kollektivi iştirak ediblər.
Tədbirdə IX sinif şagirdləri müxtəlif qruplarda birləşərək Azad haqqında musiqi, rəsm, tarix, ədəbiyyat istiqamətində yaradıcılıq axtarışlarını nümayiş etdiriblər. Müəllimlərdən Cəmilə Budaqova, Ülviyyə Adıgözəlova, Zeynəb Qasımova, Ziyafət Nəcəfova, təqaüdçü müəllim Şəfiqə Ağayeva şəhid məzunumuz haqqında öz ürək sözlərini söyləyiblər. Azadın dil-ədəbiyyat müəllimi Tamara Məmmədova vaxtilə Azadın iştirak etdiyi “Xəzər sahilində bir gün” adlı tamaşa haqqında və həmin tamaşaya Azadın çəkdiyi dekorasiyanın ərsəyə gəlməsi haqqında xatirələrini tədbir iştirakçılarına söyləyib.
Dekorasiyanın bərpasında liseyin rəsm müəllimi Ülviyyə Adıgözəlova, biologiya müəllimi İradə Zöhrabova və IX sinif şagirdlərinin valideynləri yaxından iştirak ediblər. Tədbirin təşkilatçısı Zeynəb Qasımova, direktor Arif Əsədov, şair Səhrab Mikayılov, şəhidin atası Arif Hümbətov tədbirdə çıxış edib və iştirakçılara dərin təşəkkürlərini bildiriblər.
Tədbirin sonunda lisey kollektivi şəhidin ailəsi ilə xatirə şəkli çəkdiriblər.
