"Vətən bölünməz" adlı anım günü tədbiri keçirilib
Bu gün şəhid Qasımov Orxan Rizvan oğlunun doğum günüdür. Qasımov Orxan Rizvan oğlu 21 yanvar 1996-ci il tarixində Bakı şəhərində anadan olub. 2002-ci ildə Bakı şəhərində yerləşən Ağdam rayon 36 nömrəli tam orta məktəbə daxil olub. 2008-ci ildə bakı şəhəri Sabunçu rayonunda yerləşən 296 saylı tam orta məktəbdə təhsilini davam etdirib. 2013-cü ildə məktəbi bitirib Azərbaycan Dövlət Neft və Sənaya universitetinə qəbul olub. 2017-ci ildə ali təhsilini başa vurub həqiqi hərbi xidmətə gedib. Orxan Qasımov 21.09.2020-ci ildə yenidən Səfərbərlik tərəfindən çağırılıb. 27 sentyabr 2020-cil tarixində Fizuli rayonunun azadlığı uğrunda gedən döyüşlərdə xeyli düşməni məhv edərək, şəhidlik zirvəsinə ucalıb.
Lieyimizin ingilis dili müəllimi Arzu Məmmədovanın təşkilatçılığı ilə 5b sinfində şəhid Qasımov Orxan Rizvan oğluna həsr olunmuş "Vətən bölünməz" adlı anım günü tədbiri keçirilib.Tədbirə başlamazdan əvvəl l və ll Qarabağ uğrunda gedən döyüşlərdə, Vətən müharibəsində şəhid olmuş igidlərin xatirəsi bir dəqiqəlik sükutla yad edilib.
Tədbirdə 5b-nin sinif rəhbəri Nərgiz Əkbərova, məktəbdənkənar və sinifdənxaric tərbiyə işi üzrə təşkilatçı Zeynəb Qasımova, ingilis dili müəllimi Fidan Məmmədova, informatika müəllimi Nuranə İbrahimxəlilova iştirak ediblər. Əvvəlcə şagirdlərin şəhidlərərimizə və Orxan Qasımova həsr etdikləri təqdimatlar, videoçarx nümayiş olunub. Şəhidimiz haqqında yazılmış şeirlər səsləndirilib.
Sonda şagirdlər Orxan Qasımovun xatirə guşəsinə qərənfillər düzüblər. Allah şəhidlərimizə rəhmət eləsin!
