Silsilə tədbirlər
Dünya Azərbaycanlılarının Həmrəylik günü və Yeni il bayramı münasibəti ilə liseydə silsilə tədbirlər keçirilmişdir. Belə ki 26.12.2016- il tarixdə liseydə Dünya Azərbaycanlılarının Həmrəylik gününə və Yeni il bayramına həsr olunmuş təntənəli tədbir keçirilmişdir. Tədbir 7a və 10b sinif şagirdlərinın, onların valideynlərinin iştirakı ilə həmçinin Uşaq Birliyinin Rəhbəri Ə.Zeynalovanın, liseyin informatika müəllimi N.Əliyevanın və musiqi müəllimi G.Muxtarovanın rəhbərliyi ilə hazırlanmışdır. Tədbirdə şagirdlər Dünya Azərbaycanlılarının həmrəylik gününün qeyd olunmasında ulu öndər Heydər Əliyevin misilsiz xidmətindən danışdılar. Şagidlərin nümayış etdirdikləri müxtəlif musiqi nömrələri, coşqu ilə söylədikləri şeirlər və viktorinalar tədbiri daha da rəngarəng etmişdir. Növbəti gün 27.12.2016-cı il tarixdə liseyin ingilis dili müəllimi G.Cəfərova Dünya Azərbaycanlılarının Həmrəylik günü və Yeni ilə həsr olunmuş təntənəli bayram şənliyi təşkil etmişdir. Tədbirdə şagirdlər Azərbaycan, rus və ingilis dillərində şeirlər söyləmiş və mahnılar ifa etmişlər. 28.12.2016-cı il tarixdə isə liseyin 3 b sinfinin fidan balaları sinif rəhbərləri N.Şirinovanın təşkilatçılıği ilə maraqlı, rəngarəng çıxışlar dolu bir tədbir ərsəyə gətirmişlər.Keçirilən bütün tədbirlərdə liseyin direktoru Kəmalə Mirzoyeva iştirak etmiş və təbriklərə qoşularaq tədbirlərin təşkilində əməyi olan hər kəsə öz minnətdarlığını bildirmiş və liseyin müəllim, şagird, valideyn kollektivinə can sağlığı, bol-bol səadət diləmişdir.
