Dövlət müstəqilliyinin bərpasının 25 illiyinə həsr olunmuş seminar
15.12.2016-cı il tarixdə liseyin IX sinfində Azərbaycan Respublikasının dövlət müstəqilliyinin bərpasının 25-ci ildönümü ilə bağlı seminar keçirilmişdir. Seminarı liseyin tarix müəllimi Ziyafət Nəcəfova açaraq müstəqilliyimizin yaranma tarixindən, onun keşməkeşli yolundan söhbət açmışdı. Şagirdlərdən Ərəbova Şəhanə “Heydər Əliyev müstəqil Azərbaycanın qurucusudur”, Həsənova Nərmin “Müstəqilliyimiz əbədidir, daimidir və dönməzdir” mövzusunda təqdimatla çıxış etmişlər. IX sinif şagirdləri bütün həyatını doğma xalqına həsr etmiş əfsanəvi şəxsiyyət Heydər Əliyev haqqında qürurla danışaraq, onun hər bir azərbaycanlının qəlbində əbədi yaşayacığını xüsusi vurğulamışlar.Analoji seminar VIIb sinfində də keçirilmişdir.Vəliyeva Mənzər “Azərbaycanın dövlət müstəqilliyinin möhkəmləndirilməsində Azərbaycan Respublikasının Prezidenti İlham Əliyevin məqsədyönlü fəaliyyəti” adlı video-çarx hazırlayaraq , hər bir kadra izahat verərək, dolğun və dərin məzmunlu təqdimatla çıxış etdi.Seminar şagirdlərin müxtəlif çıxışları ilə başa çatdı.
