Heydər Əliyev Mərkəzinə ekskursiya
Heydər Əliyev irsinin öyrənilməsi, ümumi dünyagörüşünün artırılması məqsədilə məktəbimizin bir qrup şagirdi Heydər Əliyev Mərkəzində ekskursiyada oldu . Mərkəzin əməkdaşı tərəfindən ekskursiya iştirakçılarına Heydər Əliyev Mərkəzinin fəaliyyət istiqamətləri və burada yaradılmış Heydər Əliyev Muzeyi haqqında məlumat verildi. Bildirildi ki, Heydər Əliyev Muzeyində Azərbaycan xalqının Ümummilli lideri Heydər Əliyevin həyat və siyasi fəaliyyəti barədə məlumatlar toplanılıb.
Şagirdlər Heydər Əliyev Mərkəzinin Sərgi zalları bölməsinin birinci mərtəbəsində "Azərbaycan inciləri: tarixin axarında” sərgisi ilə tanış oldular. Qeyd edildi k, Heydər Əliyev Mərkəzi və Heydər Əliyev Fondunun birgə layihəsi olan "Azərbaycan inciləri: tarixin axarında” Azərbaycan tarixi və mədəniyyətinin incilərini əks etdirən bir ekspozisiyadır.
Ekskursiya iştirakçıları ölkənin tükənməz təbii sərvətləri, çoxəsrlik tarixi, mədəni irsinə dair unikal eksponatlarla, ölkənin tarixi keçmişini özündə yaşadan və müasir dinamik inkişafını təcəssüm etdirən tikililərin maketlərlə tanış oldular.
