Heydər Əliyev irsini öyrənirik
Heydər Əliyev irsinin öyrənilməsi məqsədilə bu gün məktəbin 4 “Ç” sinfinin şagirdləri sinif müəllimi Zeynəb İsmayılovanın rəhbərliyi ilə Suraxanı rayon Heydər Əliyev Mərkəzində ekskursiyada oldular . Ekskursiya zamanı məktəblilərə dünya şöhrətli siyasətçi, Azərbaycan xalqının ümummilli lideri Heydər Əliyevin mənalı həyatı və çoxşaxəli siyasi fəaliyyəti barədə ətraflı məlumat verildi. Qeyd olundu ki, mərkəzdə ümummilli lider Heydər Əliyevin həyat və fəaliyyətinin bütün dövrlərini əhatə edən fotolar, arxiv sənədlərinin surətləri, eləcə də ,müxtəlif eksponatlar nümayiş etdirilir. Diqqətə çatdırıldı ki, müasir müstəqil Azərbaycan dövlətinin memarı və qurucusu ulu öndər Heydər Əliyevin həyat yolu hər bir azərbaycanlı üçün əsl örnəkdir.
