Ömrün zirvəsi
Azərbaycan tarixinin XX əsrdə əhəmiyyətli simalarından biri, Azərbaycan xalqı qarşısındakı misilsiz xidmətləri ilə qəlblərdə özünə taxt quran Ulu öndər Heydər Əliyev olmuşdur. Bu gün dahi liderin anadan olmasının 101 –ci ildönümüdür.Bu münasibətlə məktəbin müəllimləri Aygün Qafarova və Səadət Seyidova xilaskara həsr olunmuş “ Ömrün zirvəsi “ adlı ədəbi-bədii kompozisiya hazırlamışdılar. Təşkil olunan tədbirdə məktəbin müəllim və şagird heyəti, validenlər iştirak edirdilər. Tədbirdə şagirdlərin ifasında Ulu öndərin zəngin siyasi irsi və dövlət idarəçiliyi təcrübəsindən bəhs olundu, Müdrik rəhbərin mədəniyyət, elm, təhsil , idman, iqtisadiyyat sahələrinin inkişafına verdiyi töhfələrlə bağlı videoçarxlar nümayiş etdirildi. Şagirdlərin ifasında səsləndirilən şeirlər, kəlamlar və Heydər Əliyevin sevdiyi musiqilər, muğamlar isə tədbirə xüsusi rəng qatdı.
