Nailiyyətlərimiz

Respublika müsabiqəsinin qızıl medalçısıMəktəbin X sinif şagirdi Reyhan Camalova “Sabahın alimləri” VIII Respublika müsabiqəsinin qalibi olub. R.Camalova müsabiqədə “Mühəndislik” nominasiyası üzrə I yeri tutaraq qızıl medalla təltif edilib. Bu uğuruna görə R.Camalova 12 – 17 may 2019 – cu il tarixində ABŞ-ın Finiks şəhərində keçiriləcək İntel ISEF-Beynəlxalq Elm və Mühəndislik Sərgisində “Rainergy” layihəsi ilə Azərbaycanı təmsil etmək imkanı qazanıb. R.Camalova yağış suyundan enerji istehsal edən "Rainergy" qurğusunun gənc ixtiraçısı, “ASAN xidmət”in ideya müvəkkili və dünya üzrə 100 nüfuzlu qadından biridir. Müsabiqədə ümumilikdə 54 layihə qalib seçilib. Qaliblərə pul mükafatı, diplom, medal və hədiyyələr təqdim olunub. Qeyd edək ki, Təhsil Nazirliyinin əsas təşkilatçılığı ilə 2012-ci ildən etibarən keçirilən “Sabahın alimləri” Respublika müsabiqəsinə maraq ildən-ilə artmaqdadır. Müsabiqə riyaziyyat, fizika, kimya, biologiya, tibb və sağlamlıq, ekologiya, mühəndislik, kompüter elmləri üzrə keçirilir. Müsabiqənin keçirilməsində məqsəd yuxarı sinif şagirdlərinə tədqiqat aparmaq, öz elmi nailiyyətlərini nümayiş etdirmək imkanı yaratmaq və onların arasından hər il ABŞ-da keçirilən İnteI ISEF–Beynəlxalq Elm və Mühəndislik Sərgisində iştirak edəcək namizədləri müəyyənləşdirməkdir. Müsabiqə Təhsil Nazirliyi, Gənclər və İdman Nazirliyi, Azərbaycan Milli Elmlər Akademiyası, Heydər Əliyev Mərkəzi, Azərbaycan Respublikasının Prezidenti yanında Elmin İnkişafı Fondu və Azərbaycan Təhsil İşçiləri Azad Həmkarlar İttifaqı Respublika Komitəsinin təşkilatçılığı ilə keçirilir.

Məktəbin şagirdi dünyanın 100 lider qadınından biri seçildiMəktəbin X sinif şagirdi, gənc ixtiraçı, 2017-ci ildə qurulan Reynerci (ing. Rainergy) startapının təsisçisi, “ASAN xidmət”in ideya müvəkkili, Reyhan Camalova dünya üzrə 100 qadından biri seçilib. Reyhan Camalova ABŞ və Hindistanın birgə təşkilatçılığı ilə Hindistanda təşkil olunan "Qlobal Sahibkarlıq Sammiti 2017" "Rainergy" layihəsi ilə Azərbaycanı təmsil edib. ABŞ Prezidentinin baş müşaviri və dövlət başçısının qızı İvanka Tramp Reyhanın fəaliyyətini yüksək qiymətləndirib. Prezident İlham Əliyevin 2 fevral Gənclər Günü ilə əlaqədar mədəniyyət, təhsil və ictimai fəaliyyət sahələrində xüsusi fərqlənən 6 gəncə 2018-ci il Gənclər üçün Prezident mükafatlarının verilməsi haqqında sərəncamında Reyhan Camalova da yer alıb.

Rus dili və Ədəbiyyatı üzrə X Respublika Olimpiadası – I yer6 iyun 2018 – ci il tarixində Rusiyanın ölkəmizdəki səfirliyi, “Rossotrudniçestvo” agentliyinin Bakıdakı nümayəndəliyi, Azərbaycan Rus İcması və Azərbaycanın Rusdilli Tədris Müəssisələrinin Müəllimləri Assosiasiyası tərəfindən təşkil edilən Rus dili və Ədəbiyyatı üzrə X Respublika Olimpiadası qaliblərinin mükafatlandırılması keçirilib. Olimpiadada Azərbaycanın 51 regionu üzrə 605 məktəbdən 2811 nəfər şagird iştirak etmişdir və 171 nəfər qalib elan olunmuşdur. Məktəbin Azərbaycan bölməsi üzrə VIII sinif şagirdi Məmmədov Murad olimpiadanın qalibləri sırasında yer almışdır. Təbrik edir və uğurlar arzu edirik!

HAQQIMIZDA

Bakı şəhəri 283 № - li tam orta məktəb 1988-ci ildən 2 təlim dili (Azərbaycan dili və rus dili) olma...

BİZİM FƏXRLƏRİMİZ

İlkin Süleymanov İlham

Azad Hüseynov Firəddin

  • h.a
  • i.a
  • fond
  • bakuedu
  • virtual_qarabaq
  • virtual_qarabaq
  • kurrikulum
  • MƏNİM MƏKTƏBİM