283 №-li tam orta məktəb

"Dahi Azərbaycan şairi Məhəmməd Füzulinin 530 illiyinin qeyd edilməsi haqqında" Azərbaycan Respublikası Prezidentinin Sərəncamının icrası ilə əlaqədar aprel ayı ərzində  “Məhəmməd Füzuli ayı” layihəsi davam edir.

 Layihənin keçirilməsində məqsəd məktəblilər arasında milli – mənəvi dəyərləri təbliğ etmək, dahi şairin zəngin ədəbi – bədii irsi ilə bağlı gənc nəsli maarifləndirmək, onların yaradıcılıq, intellektual qabiliyyətlərinin inkişafı üçün şərait yaratmaq, eləcə də gənc istedadları üzə çıxarmaqdır.

  Layihə çərçivəsində aprelin 26 – da məktəb rəhbərliyinin, məktəbin  Azərbaycan dili ədəbiyyat müəllimlərinin təşkilatçılığı ilə VIII sinif şagirdləri arasında  “Füzuli dünyası” adlı ədəbi – bədii viktorina təşkil olundu. “Zəka”, “Zəfər” və “Qarabağ” komandaları dahi şairin dərin irsi, həyatı, yaradıcılığı haqqında sualları cavablandırdılar. Şairin əsərlərindən nümunələr şagirdlər tərəfindən səsləndirildi.

                   Yüksək rəqabət hissi ilə keçirilən viktorinada “Zəka” komandası qalib gəldi.   

Aprelin 23 - də Binəqədi Rayon İcra Hakimiyyətinin və Rayon Polis İdarəsinin birgə təşkilatçılığı ilə 283 nömrəli tam orta məktəbdə "Narkotiksiz gələcək naminə!” mövzusunda növbəti maarifləndirici tədbir  keçirildi.

Tədbirdə Rayon Polis İdarəsinin rəisi, polis polkovniki İlqar Məmmədov, Rayon İcra Hakimiyyəti başçısının müavini, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Rayon Komissiyasının sədri Sevinc Süleymanova, RİH başçısı Aparatının İctimai-siyasi və humanitar məsələlər şöbəsinin baş məsləhətçisi İlqar Pənahov, Rayon Polis İdarəsinin İctimai təhlükəsizlik şöbəsinin rəisi, polis mayoru İsa Həbibzadə, Rayon Polis İdarəsinin 5-ci Polis bölməsinin rəisi, polis polkovnik-leytenantı Tuncay Abbasov, İdarənin Narkotiklərlə mübarizə bölməsinin rəisi, polis baş leytenantı Fərrux Həsənov, Yetkinlik yaşına çatmayanların profilaktikası işinin təşkili bölməsinin rəisi, polis kapitanı Orxan Məmmədli, Yetkinlik yaşına çatmayanların profilaktikası işləri üzrə inspektoru, polis leytenantı Lalə Əliyeva, 283 nömrəli tam orta məktəbin direktoru Fuad Babayev, “Vətən” idman liseyinin direktoru Tərminə Əsədova, məktəbin  müəllim və şagird kollektivi iştirak etdilər.

Azərbaycan Respublikasının Dövlət Himninin səslənməsi və şəhidlərimizin xatirəsinin bir dəqiqəlik sükutla yad edilməsi ilə başlayan tədbirdə giriş sözü ilə çıxış edən 283 nömrəli tam orta məktəbin direktoru Fuad Babayev qonaqları salamlayaraq cəmiyyəti narahat edən narkomaniya ilə mübarizə mövzusunda maarifləndirici tədbirin təşkilatçılığı üçün dövlət qurumlarına təşəkkürünü  bildirdi.

Tədbirdə çıxış edən Binəqədi Rayon Polis İdarəsinin rəisi, polis polkovniki İlqar Məmmədov narkomaniyanın necə bir bəla olduğunu, gənclərimizə və uşaqlarımıza bu bəladan uzaq durmalarını və ətraflarında olan insanları da “ağ ölüm”dən qorumaq üçün çalışmalarının vacibliyini qeyd edərək, narkotik vasitələrin insan orqanizminə göstərdiyi mənfi təsirlər və gələcəkdə sağlamlığa törədəcəyi ağır fəsadlar barədə söhbət açaraq, yeniyetmə və gəncləri bu zərərli vərdişlərdən uzaq durmağa çağırdı.

Binəqədi Rayon İcra Hakimiyyəti başçısının müavini Sevinc Süleymanova çıxışında müasir dövrün ən qorxulu bəlalarından olan narkomaniya və onun fəsadları, törətdiyi faciələr barədə geniş  məlumat verdi. Yeniyetmə və gənclərin narkomanlıq və digər zərərli vərdişlərdən qorunması və gənc nəslin savadlı, vətənpərvər ruhda böyüməsi, sağlam inkişaf etməsi üçün  ölkədə həyata keçirilən islahatlardan, əsrin bəlası olan narkomaniyaya qarşı mübarizədə hamının səfərbər olmalı olduğundan söhbət açdı və bu məsələlərin hər zaman ölkə rəhbərliyinin diqqət mərkəzində olduğunu, yeniyetmə və gənclərlə vaxtaşırı maarifləndirici görüşlərin keçirildiyini, görüşlərin mütəmadi  davamı  olduğunu  qeyd  etdi.

Daha sonra geniş məruzə ilə çıxış edən Rayon Polis İdarəsinin Yetkinlik yaşına çatmayanların profilaktikası işləri üzrə inspektoru, polis leytenantı Lalə Əliyeva narkotik vasitələrin qanunsuz dövriyyəsinə qarşı rayon ərazisində aparılan mübarizəyə diqqət çəkərək bildirdi ki, polis əməkdaşları bu istiqamətdə  müxtəlif əməliyyat tədbirləri həyata keçirir. Lalə Əliyeva bundan sonra da narkotiksiz cəmiyyət üçün mübarizəsini ardıcıl şəkildə davam etdirən polisin fəaliyyətinin ictimaiyyət, əsasən də valideyn və təhsil müəssisələri tərəfindən aktiv formada dəstəklənməsinin zəruri olduğunu bildirdi.

Tədbir şağirdləri maraqlandıran suallar cavablandlrmaqla  müzakirə  formatında  davam  etdi.

"Dahi Azərbaycan şairi Məhəmməd Füzulinin 530 illiyinin qeyd edilməsi haqqında" Azərbaycan Respublikası Prezidentinin Sərəncamının icrası ilə əlaqədar aprel ayı ərzində  “Məhəmməd Füzuli ayı” layihəsinə start verilib.

Layihənin keçirilməsində məqsəd məktəblilər arasında milli – mənəvi dəyərləri təbliğ etmək, dahi şairin zəngin ədəbi – bədii irsi ilə bağlı gənc nəsli maarifləndirmək, onların yaradıcılıq, intellektual qabiliyyətlərinin inkişafı üçün şərait yaratmaq, eləcə də gənc istedadları üzə çıxarmaqdır.

Layihə çərçivəsində aprelin 24 – də məktəbin Azərbaycan dili ədəbiyyat müəllimi Aytəkin Rzayeva 6^a sinif şagirdlərinin iştirakı ilə Şərq poeziyasının klassik şairi Məhəmməd Füzulinin anadan olmasının 530 illiyinə həsr olunmuş “Füzuli dühası” adlı dəyirmi masa keçirdi. Dəyirmi masada şagirdlər şairin həyat və yaradıcılığı haqqında məlumat verdilər. Dahi şairin “Məni candan usandırdı”, “Söz” qəzəllərini böyük məharətlə söylədilər.

Fənn müəllimi Aytəkin Rzayeva: “ Füzuli poeziyası Azərbaycan dilinin inkişafında mühim rol oynamış, onun artıq Azərbaycan klassik poeziyasında daha yüksək icnəlik səviyyəsinə çatmasına kömək etdmişdir. Dahi şair Azərbaycan, fars və ərəb dillərində şeir və nəsr ərsəyə gətirmişdir” fikirlərini səsləndirdi.

Sonda şairin həyat və yaradıclığından bəhs edən  videoçarx nümayiş etdirildi.

"Dahi Azərbaycan şairi Məhəmməd Füzulinin 530 illiyinin qeyd edilməsi haqqında" Azərbaycan Respublikası Prezidentinin Sərəncamının icrası ilə əlaqədar aprel ayı ərzində  “Məhəmməd Füzuli ayı” layihəsinə start verilib.

Layihənin keçirilməsində məqsəd məktəblilər arasında milli – mənəvi dəyərləri təbliğ etmək, dahi şairin zəngin ədəbi – bədii irsi ilə bağlı gənc nəsli maarifləndirmək, onların yaradıcılıq, intellektual qabiliyyətlərinin inkişafı üçün şərait yaratmaq, eləcə də gənc istedadları üzə çıxarmaqdır.

Layihə çərçivəsində aprelin 23 – də məktəbin Azərbaycan dili və ədəbiyyat müəllimi Yusifkənan Xuramanın təşkilatçılığı ilə   sinif şagirdləri ilə şairə həsr olunmuş bədii, sənədli film izlənildi.  

Azərbaycan Respublikasında 2024-cü ilin “Yaşıl dünya naminə həmrəylik ili” elan edilməsi ilə bağlı Azərbaycan Respublikası Elm və Təhsil Nazirinin 15.03.2024 – cü il tarixli, 3-29/3-145F/2024 nömrəli əmri ilə Tədbirlər Planı təsdiq edilmişdir. Tədbirlər Planına müvafiq olaraq “Yaşıl dünya naminə həmrəylik ili" çərçivəsində  ekoloji tarazalığın bərpası, atmosferi oksigenlə zənginləşdirmək, yaşıllıqların qorunmasını təbliğ etmək üçün məktəbin həyətyanı sahəsində  ağacəkmə aksiyası təşkil olundu.

Ağacəkmə aksiyasını məktəbin ibtidai sinif müəllimi Rəfiqə Əliyeva 2^a sinif şagirdləri ilə birgə  həyata keçirildi. Şagirdlər aksiyada böyük həvəslə iştirak etdilər.