283 №-li tam orta məktəb

   İyulun 26-da I və IV qrup qəbul imtahanlarının nəticələri açıqlanıb.
   I ixtisas qrupu üzrə ən yüksək (400 bal) nəticəni göstərən 2 nəfərdən biri məktəbin məzunu Məmmədli Əli Faiq oğlu olmuşdur.
    Məmmədli Əlini təbrik edir, təhsil uğurları arzu edirik!

Bakı Şəhər Gənclər və İdman İdarəsi, “Regional İnkişaf” İctimai Birliyi və Azərbaycan Stolüstü Tennis Federasiyasının birgə təşkilatçılığı ilə iyulun 4-də yeniyetmələr arasında stolüstü tennis idman növü üzrə Bakı şəhər turniri keçirilib. Yarışda, ümummillikdə 48 nəfər idmançı iştirak edib.

Turnirin keçirilməsində məqsəd yeniyetmə və gənclər arasında  sağlam həyat tərzinin təbliği, idmana olan marağın artırılması, eyni zamanda onların asudə vaxtlarının səmərəli təşkilinə dəstək verilməsi idi.

Məktəbin 11^ç sinif şagirdi Mürşüdlü Ziya turnirdə uğurlu oyun nümayiş etdirərək, həmyaşıdları arasında birincilik əldə etmişdir. Məktəbin şagirdini təbrik edir, uğurlar arzu edirik.

Turnir bağlanış tədbiri və mükafatlandırma ilə başa çatıb, qaliblərə diplom və hədiyyələr təqdim edilib.

İyulun 3 – də məktəbdə məktəb rəhbərliyi, müəllimlər, valideynlər və şagirdlərin iştirakı ilə tam orta təhsil kursu üzrə adi və fərqlənmə attestatları təqdim edildi.

Məktəbin direktoru Fuad Babayev XI siniflər üzrə keçirilmiş buraxılış imtahanında yüksək nəticə göstərən şagirdləri, fərqlənmə attestatı ilə bitirən şagirdlərin valideynlərini  təbrik etdi.  

2023 – 2024 – cü tədris ilində ümumi təhsil pilləsi üzrə ümumilikdə  117 nəfər şagirdə attestatlar təqdim olundu. Məktəbin XI siniflər üzrə 106 nəfər şagirdi adi attestatla (Azərbaycan bölməsi üzrə - 82 nəfər, rus bölməsi üzrə - 24  nəfər), 11 nəfər şagird isə fərqlənmə attestatı ilə (Azərbaycan bölməsi üzrə - 9 nəfər, rus bölməsi üzrə - 2  nəfər) başa vurdu.  

Valideynlər, şagirdlər məktəbdə keyfiyyətli və sağlam təhsil mühiti yaradılmasına görə məktəb rəhbərliyinə təşəkkürlərini bildirdilər.

Sonda xatirə şəkilləri çəkildi.

İyunun 28 – də məktəbin fəaliyyət planına uyğun olaraq  Pedaqoji Şura iclası keçirildi. İclasda məktəb rəhbərliyinin gündəlikdə qarşıya qoyulmuş məktəbin 2023 – 2024 – cü tədris ilinin illik yekun hesabatı, Sinif jurnallarının işlənmə vəziyyəti, Respublika Fənn Müsabiqələrinin nəticələri haqqında məruzələr dinlənildi və növbəti 2024 – 2025 – ci tədris ilində qarşıda duran məsələlər kollektivin nəzərinə çatdırıldı.

Pedaqoji Şura iclasında məktəb rəhbərliyi və məktəbin həmkarlar ittifaqı tərəfindən Respublika Fənn Müsabiqələrində uğur qazanan şagirdlərin fənn müəllimləri Nəzakət Məmmədli, Naidə Isayeva, Sahilə Muradova, Aynur Mürşüdova, 2024 – cü il dövlət ümumi təhsil müəssisələrində çalışan təhsilverənlərin sertifikatlaşdırılması prosesinin test imtahanı mərhələsində ibtidai sinif və riyaziyyat fənni üzrə yüksək nəticə göstərən müəllimlər, Sevinc Əhmədova, Samirə Kərimova, Afiqə Kərimova, Səbinə Əskərova, eyni zamanda “26 iyun Azərbaycan Respublikası Silahlı Qüvvələri Günü” münasibətilə məktəbin bir sıra müəllimləri və texniki işçiləri 2023 – 2024 – cü tədris ilində səmərəli fəaliyyətinə görə Fəxri Fərmanla təltif olndular.

Bakı Şəhəri üzrə Təhsil İdarəsi (BŞTİ) tərəfindən paytaxtın təhsil müəssisələrinin iştirakı ilə “Məktəblinin yay mütaliəsi” adlı layihəsinə start verilir.

Layihənin əsas məqsədi şagirdlərin yay tətili günlərində asudə vaxtlarının səmərəli təşkili, mütaliəyə maraqlarının artırılması, kitab mübadiləsi mədəniyyətinin genişləndirilməsi, oxu bacarıqlarının inkişaf etdirilməsi və nitq vərdişlərinin təkmilləşdirilməsindən ibarətdir.

Layihə çərçivəsində paytaxtın təhsil müəssisələri şagirdlərin oxuduğu kitabları əks etdirən fotoşəkilləri, yaxud oxuduqları əsər və onun müəllifi ilə bağlı fikirlərinə dair videogörüntüləri məktəbin sosial şəbəkə hesablarında #məktəblininyaymütaliəsi haşteqi ilə paylaşması nəzərdə tutulur.

Qeyd edək ki, layihə sentyabr ayına qədər davam edəcək.