Novruz şənliyi keçirildi
17.03.2017-ci il tarixdə Pirallahı rayonunun Gənclər parkında Pirallahı Rayon İcra Hakimiyyətinin təşkil etdiyi Novruz şənliyi keçirilmişdir.Şənlikdə rayon məktəbləri xüsusi iştirak etmişlər.Yavər Əliyev adına 235 nömrəli tam orta məktəb də rayon məktəbləri arasında idi.Hər bir məktəb özünəməxsus Novruz kompozisiyaları hazırlamışdır.Həmçinin bizim məktəbin də rəngarəng Novruz kompozisiyaları göz oxşayırdı.Şənliyə PRİH-nin başçısı cənab Vasif İmanov təşrif buyurmuşdur.Cənab Vasif İmanov bizim hazırladığımız Novruz kompozisiyalarını seyr edərək əl işlərimizi çox bəyəndiyini qeyd etdi.Sonda cənab Vasif İmanov öz çıxışı ilə rayon əhalisini Novruz bayramı münasibətilə təbrik etmişdir.Qeyd edək ki, 16.03.2017-ci il tarixdə məktəbimiz Pirallahı Rayon İcra Hakimiyyətinin Novruz bayramı ilə əlaqədar olaraq keçirdiyi "Xonça müsabiqəsi"nin qalibi olmuşdur.Bu münasibətlə cənab Vasif İmanov məktəbimizin kollektivini təbrik edərək bu əməydə xüsusi əziyyətləri olan Humay Paşayeva və Vüsalə Əhmədovaya özünün təltif etdiyi Fəxri Fərmanı təqdim etmişdir.
