Vüsal Babayevin anım günü ilə əlaqədar İkinci Fəxri Xiyabana ziyarət
25 oktyabr 2024-cü il tarixdə 44 günlük Vətən müharibəsi şəhidi, Azərbaycan Respublikasının Prezidenti, Müzəffər Ali Baş Komandan cənab İlham Əliyev tərəfindən “Vətən uğrunda”, “Füzulinin azad olunmasına görə” medalları və "Azərbaycan Bayrağı" ordeni ilə təltif olunmuş baş leytenant Vüsal Babayevin anım günü ilə əlaqədar ziyarət təşkil olunmuşdur.
Məktəbin direktoru Seymur Yusibovun rəhbərliyi ilə, uşaqlarla məktəbdənkənar və sinifdənxaric tərbiyə işləri üzrə təşkilatçı Tükəzban Qurbanova və şəhid Vüsal Babayevin adını daşıyan 8a sinfi sinif rəhbəri Ramilə Əliyeva ilə birgə 2-ci Fəxri Xiyabana ziyarət edilib. Ziyarət zamanı şagirdlər şəhidlərimizin əziz xatirəsini ehtiramla yad edərək, onlara Allahdan rəhmət dilədilər.
Şagirdlər vətənpərvərlik mövzusunda çıxışlar edərək, Vüsal Babayev kimi qəhrəmanlarımızın vətən yolunda göstərdikləri şücaətin və fədakarlığın daim qəlblərdə yaşayacağını vurğuladılar. Onlar, şəhidlərin müqəddəs amal uğrunda canlarını fəda etdiklərini, vətən sevgisinin hər bir azərbaycanlı üçün ən ali dəyər olduğunu bildirdilər.
Bu ziyarət, şagirdlərin vətənə olan məhəbbətini və vətən yolunda canlarını fəda etmiş qəhrəmanlara olan minnətdarlığını ifadə edən anlamlı bir gün kimi yadda qaldı. Allah bütün şəhidlərimizə rəhmət eləsin!
