Məktəb kitabxanasına ilk səfər
30 oktyabr 2024-cü il tarixində 1-ci sinif şagirdləri üçün məktəb kitabxanasına ilk səfər təşkil olundu. Bu maraqlı görüşdə şagirdlərimiz kitab dünyası ilə yaxından tanış oldular. Kitabxana müdiri Firəngiz Həsənova və kitabxanaçı Lətifə Zeynalova uşaqlara kitabxananın qaydaları, kitabların qorunması və istifadə qaydaları haqqında məlumat verdilər. Bu cür tədbirlər uşaqların oxu vərdişlərinin inkişafı və kitablarla dostluq bağlarının yaranması üçün əhəmiyyətlidir. İlk dəfə kitabxana ilə tanış olan şagirdlərimiz böyük maraq və sevgi ilə kitabları vərəqlədilər, şəkillərinə baxdılar və hekayələrini öyrənməyə çalışdılar. Kitablarla ilk tanışlıq onların gələcək təhsili üçün möhkəm təməl yaratmaqda kömək olacaqdır. Bu təşəbbüsün bütün şagirdlərimizə yeni biliklər qazandıracağına inanırıq. Uşaqlarımıza oxumağa həvəs və maraq arzu edirik!
