Qarabağ dünən, bugün və sabah!
“Azərbaycan xalqının tarixi qələbəsinin tədrisdə əks etdirilməsi haqqında” “Fəaliyyət planı”na əsasən məktəbin V-VIII sinifləri üzrə onlayn şəkildə “Qarabağ dünən, bugün və sabah” adlı rəsm müsabiqəsi keçirilib. Şagirdlər öz rəsmlərində Qarabağ sevgisini tərənnüm etməyə çalışmış, daha çox “Azərbaycanın mədəniyyət beşiyi” sayılan Şuşa şəhərinin və Qarabağın simvolu “Xarı bülbül”ün təsvirlərinə yer vermişlər. Onlar Müzəffər Ordumuzun bizlərə bəxş etdikləri qalibiyyət duyğusunu fırça və qələmlə ağ kağız üzərində əks etməyə çalışmışlar.
