Beynəlxalq Ana dili Gününə həsr olunmuş tədbirlər keçirilib
Hər bir xalqın öz Ana dili onun milli sərvəti, varlığının təsdiqi, həmçinin milli kimliyidir. Millətin dili, əlifbası onun millət olaraq formalaşmasında vacib şərtlərdən biri kimi qəbul edilir. Xalqın keçdiyi tarixi yol, onun mədəni səviyyəsi, birinci növbədə onun Ana dilində öz əksini tapır. 21 Fevral-Beynəlxalq Ana Dili Günü kimi bütün dünyada qeyd olunur. Bununla əlaqədar olaraq məktəbdə müxtəlif səpkidə tədbirlər keçirilməkdədir. Şagirdlərin hazırladıqları divar qəzetləri və plakatlar sərgilənib, "Dəyirmi masa", şeir müsabiqəsi, ədəbi-bədii kompozisiyalar keçirilib.
