21 №-li tam orta məktəb

Bakı Şəhəri üzrə Təhsil İdarəsinin tabeliyindəki ümumi təhsil müəssisələrində 1 İyun-Uşaqların Beynəlxalq Müdafiəsi Günü ilə əlaqədar tədbirlər keçirilib.

Paytaxt məktəblərində təşkil olunan tədbirlərdə Uşaqların Beynəlxalq Müdafiəsi Günü haqqında şagirdlərə məlumat verilib. Bildirilib ki, 1950-ci il iyunun 1-də BMT Baş Assambleyası tərəfindən Uşaqların Beynəlxalq Müdafiəsi Gününün qeyd olunması qərara alınıb. Vurğulanıb ki, Azərbaycanda hər zaman uşaqların müdafiə olunması və onlara qayğı göstərilməsi istiqamətində çoxsaylı işlər görülür.

Tədbirlərdə çıxış edənlər Ulu Öndər Heydər Əliyevin uşaqlara olan diqqət və qayğısından danışıblar. Qeyd olunub ki, ölkə Prezidenti İlham Əliyevin uşaqların savadlı, sağlam və firavan böyüməsi, rifahının yüksəldilməsinə göstərdiyi qayğı və diqqət deməyə əsas verir ki, bu məsələ dövlət siyasətinin başlıca istiqamətlərindən biridir.

Eyni zamanda tədbirlərdə şagirdlər Azərbaycan və dünya xalqlarına məxsus mahnılar oxuyub, rəqslər ifa edib, şeirlər söyləyib və ədəbi-bədii kompozisiyalar nümayiş etdiriblər.

Bundan əlavə, tədbirlərdə Uşaqların Beynəlxalq Müdafiəsi Gününə həsr olunan fotostendlərə, şagirdlərin əl işlərindən ibarət sərgilərə baxış keçirilib.

Bakı Şəhəri üzrə Təhsil İdarəsinin (BŞTİ) tabeliyindəki ümumi təhsil müəssisələrinin III sinifləri üzrə monitorinq keçirilib.

Monitorinqin keçirilməsində əsas məqsəd təhsilalanlarda müvafiq standartlar üzrə bilik və bacarıqların hansı səviyyədə formalaşdığını müəyyən etmək, ibtidai təhsil səviyyəsində keyfiyyətin artırılması istiqamətində tədbirlər görmək, şagirdlərin gələcək inkişafına və müəllimlərin peşəkarlığının təkmilləşməsinə dəstək olmaqdan ibarətdir.

BŞTİ-nin Təhsilin keyfiyyətinə nəzarət sektoru və Təlimə Dəstək Mərkəzinin təşkilatçılığı ilə keçirilən monitorinq Azərbaycan və rus bölmələrində tədris dili, riyaziyyat və İngilis dili fənləri üzrə aparılıb.

Təhsilalanlara tədris dili üzrə 15, riyaziyyat fənni üzrə 15, xarici dil üzrə isə 10 sual olmaqla, ümumilikdə 40 sual təqdim olunub. Sualların cavablandırılması üçün 90 dəqiqə vaxt verilib.

BŞTİ-nin Təhsilin keyfiyyətinə nəzarət sektorunun nümayəndələri monitorinq prosesinin gedişatını izləyiblər.

Qeyd edək ki, monitorinqin nəticəsi şagirdlərin summativ qiymətləndirmə nəticələrinə, eyni zamanda sinifdən-sinfə keçmələrinə təsir göstərmir.

Bütün dövrlərdə hər bir xalqın tarixində onun xilaskarı kimi dərin izlər qoyan və xalqın fəxrinə çevrilən dahi şəxsiyyətlər olmuşdur. Azərbaycan xalqının da tarixində xilaskar kimi böyük fəxrlə yad etdiyimiz dahi şəxsiyyət Ulu öndərimiz Heydər Əlirza oğlu Əliyevdir. Müstəqil Azərbaycan dövlətinin qurucusu, dahi siyasətçi və qüdrətli dövlət xadimi Heydər Əliyevin anadan olmasının 100-cü ildönümü ilə əlaqədar Ulu öndərin zəngin siyasi irsinin, şərəfli həyat və fəaliyyətinin gənc nəsil tərəfindən öyrənilməsi işinin daha da gücləndirilməsi məqsədilə məktəbdə "Tarix yaradan şəxsiyyət" adlı məktəblilərarası"İntellektual yarış" keçirilib. Tədbirdə Bakı Şəhəri üzrə Təhsil İdarəsinin İnkişaf Layihələr sektorunun müdiri Günay Qurbanova,  Yasamal Rayonu icra Başçısının müavini Təravət Muradova, “Xatirə “kitabının baş redaktoru, yazıçı Nəzakət xanım, məktəb rəhbərləri, müəllimlər və şagirdlər iştirak edib.Yarışda münsif qismində Yasamal rayonu YAP-ın sədri Bəxtiyar Nəbiyev, Azərbaycan Respublikasının Prezidenti yanında Dövlət İdarəçilik Akademiyasının Siyasi idarəetmə fakultəsinin dekanı, siyasi elmlər doktoru , professor  Elçin Əhmədov, "Zəkalar" liseyinini hərbi rəhbəri, yazıçı publisist, jurnalist  İbrahim müəllim iştirak edib. Yarışda Yasamal məktəblərindən-21, 53,60, 158 və 308 nömrəli tam orta məktəblərin şagirdlərindən ibarət komandalar iştirak edib.  Yarış iki hissədən ibarət ibarət olub. I hissə  intellektual yarışdan, II hissə "Heydər Əliyev və Azərbacan təhsili", "Heydər Əliyev və azərbaycançılıq məfkurəsi" adlı konfransdan ibarət olub. Tədbirin əvvəlində Ümummilli Lider Heydər Əliyev və Vətən uğrunda canından keçən şəhidlərin əziz xatirəsi bir dəqiqəlik sükutla yad ediilib. Ümummilli Lider Heydər Əliyevin həyat və fəaliyyətinə, həmçinin Vətən müharibəsində qazanılan Şanlı Qələbəyə həsr edilən videoçarx nümayiş etdirilib. Sonra komandalar arasında gərgin yarış keçiriib. yarışın nəticələrinə görə məktəbimizin "Lder" komandası I yerə, 158 nömrəli tam orta məktəbin komandası II yerə, 308 nömrəli tam orta məktəbin komandası isə III  yerin sahibi olub. II hissədə "Heydər Əliyev və Azərbacan təhsili", "Heydər Əliyev və azərbaycançılıq məfkurəsi" mövzularında konfrans keçirilib. Konfransda çıxış edənlər ötən əsrin 70-ci illərindən etibarən 30 ildən artıq bir müddətdə Azərbaycanda elm, təhsil, mədəniyyət və iqtisadiyyatın təşəkkülü və inkişafının bilavasitə Ümummilli Lider Heydər Əliyevin adı ilə bağlı olduğunu bildirib. Qeyd olunub ki, Ulu Öndər Heydər Əliyevin genişmiqyaslı fəaliyyətində təhsilin inkişafı prioritet sahə kimi mühüm yer tutub, təhsilin cəmiyyətin inkişafında rolunu və şəxsiyyətin formalaşmasında əhəmiyyətini daim yüksək qiymətləndirən dahi rəhbərin qəbul etdiyi qərarlar, uzaqgörənliklə irəli sürdüyü konseptual fikirlər və ideyalar, tarixi tövsiyələr bu gün də ölkəmizdə təhsil islahatlarının əsas istiqamətlərinin müəyyənləşdirilməsinə öz töhfəsini verir. Sonda şagirdlər tərəfindən ədəbi-bədii kompozisiya nümayiş etdirilib.

20 Yanvar xalqımızın tarixində təkcə faciə deyil, həm də istiqlal mücadiləsinin qələbəsi, milli məfkurəmizin azadlıq istəyinin oyanış günüdür. Sovet imperiyasının əsarətində yaşamağa məhkum olan xalqın azadlıq səsini ucaltdığı, öz suverenliyi uğrunda cəsarət nümayiş etdirdiyi şərəfli bir tarixdir 20 Yanvar. 33 ildir Azərbaycan xalqı bu günü, Vətənimizin azadlığı və suverenliyi uğrunda qurban getmiş mərd oğul və qızlarının xatirəsini dərin hörmət və ehtiramla yad edir. 20 yanvar o qanlı gecənin tarix yazan qəhrəmanlarından biri məktəbimizin qürurla adını daşıdığı Eldar Məmmədovdur. Mayın 13-də Eldar Məmmədovun doğum günüdür. Bununla əlaqədar olaraq məktəbdə anım günü keçirilib. Tədbirdə şəhidin ailə üzvləri, müəllimlər və şagirdlər iştirak edib. Dövlət himninin səsləndirilməsi ilə başlayan tədbirdə torpaqlarımızın azadığı uğrunda canından keçən oğul və qızlarımızın ruhu birdəqiqəlik sükutla yad edilib. Şagirdlərin ifasında şəhidlərə həsr olunmuş şeirlər səsləndirilib.

Məktəbimizdə mütamadi olaraq şəhidlərimizin xatirəsinin əbədiləşdirilməsi, qəhrəmanlıqlarının təbliği, şagirdlərdə hərbi vətənpərvərlik ruhunun yüksədilməsi məqsədilə tədbirlər keçirilir, ən qabaqcıl siniflərə şəhidlərimizin adları verilir. Bu tədbirlərdən biri də mayın 12-də keçirilib. Məktəbin 11"A", 11"B", 11"C" siniflərinin şəhid adı ilə adlandırılması münasibətilə açılış mərasimi keçirilib. Şəhid Polad Həşimov, şəhid Mehman Qənbərov və şəhid Elvin İslamovun adını daşıyan siniflərin açılış mərasimində şəhid ailə üzvləri, müharibə iştirakçıları, qazilər, pedaqoji kollektiv və şagirdlər iştirak edib. Torpaqlarımızın işğaldan azad edilməsi uğrunda şəhidlik zirvəsinə ucalan qəhrəmanlarımızın əziz xatirəsi bir dəqiqəlik sükutla yad edilib. Məktəbin direktoru Elza Bağırzadə Müzəffər Ali Baş Komandan cənab İlham Əliyevin rəhbərliyi və yenilməz Azərbaycan Silahlı Qüvvələrinin rəşadəti sayəsində tarixi Zəfərin qazanılması ilə nəticələnən 44 günlük Vətən müharibəsindən bir neçə il ötdüyünü qeyd edərək milli tariximizə qızıl hərflərlə əbədi həkk olunan möhtəşəm qalibiyyəti xalqımıza yaşadan bütün igid əsgər və zabitlərimizlə qürur duyduğunu bildirib. Tədbirdə çıxış edən digər qonaqlar da Azərbaycanın suverenliyi və xoşbəxt gələcəyi yolunda yüksək fədakarlıq və şücaət göstərən qəhrəman oğulların əziz xatirəsinin qəlbimizdə daim yaşayacağını vurğulayıblar. Tədbir şagirdlərin ifasında kompozisiyalarla davam etdirilib.