Məktəbdə Xocalı faciəsinin otuz üçüncü ildönümü anılıb
Müharibə bəşəriyyətin ən pis xəstəliyi, soyqırım isə heç sağalmayan yarasıdır. Bu cür işğalçı qəsbkarlıq qan-xəta, ölüm-itim, fəlakət, dağıntı və dəhşətli faciələri ilə yadda qalır. Ona görə də yaraları dərin və sağalmaz iz buraxır. Elə Xocalı müsibəti kimi! Məktəbimizdə Xocalı faciəsinin otuz üçüncü ildönümü münasibətilə müxtəlif səpkidə tədbirlər keçirilib. Tədbirlərin əsas məqsədi tarixi qan yaddaşımıza həkk olunmuş Xocalı soyqırımı haqqında həqiqətlərin məhz gənc nəslin nümayəndələrinin, məktəblilərin dilindən səsləndirilməsi və bu faciəli hadisələrdən gələcəyimizin təminatçısı olan uşaqlarımızın ibrətamiz dərslər çıxarmasıdır.
