Cəlil Məmmədquluzadənin "Ölülər" əsərinin oxusu və müzakirəsi
Martın 28-də Azərbaycan dili və ədəbiyyat müəllimi İlhamə Manafova, kitabxanaçı Ülviyə Niftəliyevanın təşkilatçılığı və 7-ci sinif şagirdlərinin iştirakı ilə dini xurafat, ehkamçılıq və cəhalətin tənqidindən bəhs edən Cəlil Məmmədquluzadənin “Ölülər” əsərinin oxusu və müzakirəsi keçirilib.
Müəllim şagirdlərin nəzərinə çatdırıb ki, əsər 1909-cu ildə fanatizmin və cəhalətin törətdiyi bəlaların əleyhinə yazılmış tragikomediyadır.
Əsərdə bir-birinə qarşı qoyulan İsgəndər və Şeyx Nəsrullah obrazları şagirdlər tərəfindən müzakirə olundu. Müzakirə zamanı yazıçının bir sıra dram əsərlərinin dərin ictimai mənası, mühüm problemləri əhatə etməsi ilə bağlı fikirlər söyləndi.
