Basketbol komandamız birinci yeri qazandı
Noyabrın 13-də 168 nömrəli tam orta məktəbdə Pirallahı zonası üzrə basketbol birinciliyi keçirilib. Yarışda 168,186, 235 və 243 nömrəli məktəbin basketbol komandaları iştirak edib. Yarışı Milli Olimpiya Komitəsinin və baş hakimlər kollegiyasının hakimləri idarə edib. Hakimlərin qərarına əsasən 168 nömrəli tam orta məktəbin komandası I yeri qazanıb. II yeri 186, III yeri isə 235 nömrəli məktəblərin komandaları tutub. Təşkilat komitəsi tərəfindən basketbol komandasının məşqçisi Lətif Əhmədova diplom verilib.
