Müəllim və şagird kollektivimiz “Vətən uğrunda” abidə-kompleksini ziyarət etdilər
20. 01. 2016-cı il tarixində, 20 Yanvar Faciəsinin 26-cı ildönümü günündə, məktəbimizin rəhbərliyi, müəllim, şagird və valideyn kollektivi Pirallahı qəsəbəsində bizim firavan həyatımız, rifahımız naminə canlarını fəda etmiş şəhidlərimizin əziz xatirəsinə ucaldılmış “Vətən uğrunda” abidə-kompleksini ziyarət edərək, orada müstəqilliyimizin əldə olunmasında, ərazi bütövlüyümüz uğrunda canından, qanından keçmiş qəhrəmanlarımızın ruhunu ehtiramla andılar. Saat 11.00-da “Vətən uğrunda” abidə-kompleksinin önünə toplaşan tədbir iştirakçıları Azərbaycanın azadlığı, istiqlaliyyəti və suverenliyi yolunda şəhid olmuş Vətən övladlarının əziz xatirəsini bir dəqiqəlik sükutla yad etdilər. Ziyarətdə müəllim, şagird və valideynlərimiz tərəfindən Şəhidlərimizin ruhuna dualar oxundu. Şagirdlərimiz abidə-kompleksinin önünə al qərənfillər düzdülər, məktəb adından əklil qoydular.
