Birincilərin əlifba bayramı
2017-2018-ci dərs ilinin son günlərini yaşadığımız bir zamanda birincilərin sinif rəhbərləri Hüseynova Sevinc, Mikayılova Nigar, Adilova Yeganə, Qaracayeva Ləman həftə ərzində ayrı-ayrı günlərdə Əlifba bayramı keçiriblər. Sinif rəhbəri və şagirdlər bayramın maraqlı keçməsi üçün əllərindən gələni əsirgəməyiblər.Tədbirlər əsl bayram əlval-ruhiyyəsində təşkil edilib.
Məktəbə yenicə qədəm basmış birincilər böyük inam və sevinclə müəllim və valideynləri qarşısında çıxış ediblər. Valideynlərə övladlarının böyük auditoriya qarşısında çıxışına tamaşa etmək çox xoş idi. Şagirdlər onlara aşılanan vətənpərvərlik hissini, Ana dilinin müqəddəsliyini, Azərbaycanın aydın gələcəyinin məsuliyyətinin onların üzərində olduğunu öz şeirləri, səhnəcikləri, mahnıları ilə nümayiş etdiriblər. Biz onların birinci dəfə səhnədə çıxışlarının şahidi olduq.
Səhnənin gözəl bəzədilməsi, səhnəciklərin, çıxışların nəfis tərtibatı ciddi hazırlıq işlərinin aparılmasından xəbər verirdi.
