Ümummilli liderimiz Heydər Əliyevin xatirəsinə həsr olunmuş dərs keçirilib
Mayın 11-də məktəbin Azərbaycan dili və ədəbiyyatı müəllimi Alxasova Sevda ümummilli liderimiz Heydər Əliyevin xatirəsinə həsr olunmuş dərs keçib. Dərsdə məktəb rəhbərliyi və bir neçə müəllim iştirak edib. Bu cür dərslərin keçirilməsində məqsəd gənc nəslə əvəzolunmaz xidmətləri olan ulu öndər haqqında məlumat çatdırmaqdır.
Əvvəlcə ulu öndərin xatirəsi bir dəqiqəlik sükutla yad edilib. Sonra müəllim şagirdlərə Azərbaycan xalqının xilaskarı olan ümummilli liderin həyat və fəaliyyəti haqqında geniş məlumat verib. O, Heydər Əliyevin xalqımız üçün göstərdiyi əvəzolunmaz xidmətləri, Azərbaycan Respublikasının dünya xalqları arasında qazandığı nüfuzu, ölkənin hər bir sahəsinin inkişaf etməsi haqqında maraqlı və hərtərəfli məlumat verib.
Müəllim ulu öndərin həyat və fəaliyyətindən bəhs edən şəkillərdən ibarət fotoalbom və stentlər təqdim edib.
