“Sən elə bir zirvəsən” adlı tədbir
Məktəbimizdə hər il olduğu kimi bu il də ümummilli liderimiz Heydər Əliyevin doğum gününə həsr olunmuş tədbirlər həyata keçirilir. Bu tədbirlərdən biri də bu gün məktəbin akt zalında məktəb rəhbərliyinin, müəllim və şagird heyətinin iştirakı ilə keçirilən ulu öndərin 95 illik yubileyinə həsr olunmuş “Sən elə bir zirvəsən” adlı tədbir keçirilib. Tədbir açıq elan ediləndən sonra Heydər Əliyevin əziz xatirəsi bir dəqiqəlik sükutla yad edilib. Tədbirdə ulu öndərin şərəfli həyat yolu, tariximizdə yeri, ölkəmizin inkişafında əvəzolunmaz xidmətləri haqqında geniş məlumat verilib. Heydər Əliyevin təhsil, mədəniyyət, elm sahəsində gördüyü böyük işlərdən, ölkəmizin sosial-iqtisadi və siyasi inkişafı üçün həyata keçirdiyi uğurlu layihələrdən söhbət açılıb. Tədbir iştirakçılarına ümummilli liderin həyat və fəaliyyətini özündə əks etdirən sənədli filmin nümayişi həyata keçirilib. Tədbirin sonunda şagirdlər ulu öndərə həsr edilmiş şeir və mahnılar ifa ediblər.
