Şagirdlərimiz "Vətən uğrunda" abidə kompleksini ziyarət ediblər
Xocalı faciəsinin 26-cı ildönümü ilə əlaqədar 26.02.2018-ci il tarixdə məktəbin 2 c sinfi ilk dərsdə Xocalı faciəsi zamanı həlak olmuş insanların əziz xatirəsini 1 dəqiqəlik sükutla yad ediblər.
1992-ci il fevralın 25-dən 26-na keçən gecə yeddi min əhalisi olan Xocalı şəhərində 106 nəfər qadın, 63 azyaşlı uşaq, 70 qocanın öldürülməsi, 8 ailənin tamamilə məhv edilməsi, 25 uşağın hər iki valideynini itirməsi, 1275 nəfərin girov götürülməsi, 150 nəfərin isə taleyinin hələ də məlum olmaması haqqında müəllim uşaqları məlumatlandırıb. Müəllim İsmayılova Pərvanə qeyd edib ki, bu faciəni yalnız Xocalı əhalisinə deyil, bütövlükdə Azərbaycan xalqına qarşı olan zorakılıq kimi qiymətləndirmək olar.
Daha sonra şagirdlər gələcək nəslin vətənpərvər ruhda inkişaf etməsi məqsədilə 2 c sinfinin rəhbəri İsmayılova Pərvanənin təşkilatçılığı Pirallahı rayonunda yerləşən "Vətən uğrunda " abidə kompleksini ziyarət edərək abidə önünə qərənfillər düzüblər. Şagirdlər abidə önündə bu soyqırımı törədənlərin cəzasız qalmayacığına əmin olduqlarını bildiriblər.
