"Milli qəhrəmanlarımızı tanıyaq" adlı tədbir keçirilib
22.02.2018-ci il tarixdə məktəbin 4 c sinfinin rəhbəri Balayeva Aynurə "Milli qəhrəmanlarımızı tanıyaq" mövzusunda tədbir keçirib. Tədbirin keçirilməsində məqsəd şagirdlərdə vətənpərvərlik ruhunu formalaşdırmaq, vətənə sevgi hissini aşılamaqdır. Tədbirdə məktəbin rəhbər işçiləri, ibtidai sinif və fənn müəllimləri iştirak ediblər. Balayeva Aynurə şagirdlərə vətənin azadlığı uğrunda canlarından keçən qəhrəmanlarımız haqqında geniş məlumat verib. Şagirdlər qəhrəmanlıq haqqında şeirlər, bayatılar söyləyib, mahnılar ifa ediblər.Tədbirdə iştirak edən məktəb kollektivi tədbiri əla qiymətləndirib, Balayeva Aynurəyə tədbiri yüksək səviyyədə təşkil etdiyi üçün öz minnətdarlıqlarını bildirib, uğurlarının davamlı olmalarını arzulayıblar. Biz də Balayeva Aynurəni və 4 c sinfinin şagirdlərini təbrik edirik.
