“X Respublika rus dili və ədəbiyyatı olimpiadası” keçirilib
03.02.2018-ci il tarixdə məktəbdə Azərbaycan Respublikası Təhsil Nazirliyi, Rusiya FR Müstəqil Dövlətlər Birliyi, Xaricdə Yaşayan Həmvətənlərlə İş və Beynəlxalq Humanitar Əməkdaşlıq üzrə Federal Agentliyin (“Russotrudnichestvo”) Azərbaycan nümayəndəliyinin təşkil etdikləri “X Respublika rus dili və ədəbiyyatı olimpiadası” keçirilib.
Olimpiadada Rusiya İnformasiya Mədəniyyət Mərkəzinin sədri Denisov Valentin Petroviç, Yakunina Valentina Timofeyevna, Pirallahı Rayon İcra Hakimiyyətinin şöbə müdiri Vüsal Babayev iştirak ediblər. Olimpiadada şagird qismində Pirallahı və Xəzər rayonlarında fəaliyyət göstərən və BŞTİ-nin tabeliyində olan ümumtəhsil məktəblərinin VII-VIII sinif şagirdləri iştirak ediblər.
Olimpiada iki hissədən ibarət olub. Şagirdlər bilik yarışında iştirak etdikdən sonra, təntənəli hissə məktəbin akt zalında keçirilib. Bu hissədə məktəbin şagirdləri konsert proqramı ilə çıxış ediblər. Məktəbin rus dili müəllimi Axundova Gülnarənin təşkil etdiyi təntənəli hissə tədbir iştirakçıları tərəfindən çox bəyənilib. İştirak edən xarici qonaqlar Axundova Gülnarəyə tədbiri belə yüksək səviyyədə təşkil etdiyi üçün öz minnətdarlıqlarını bildiriblər. Sonda iştirak edən şagirdlərin hamısına iştirakçı sertifikatları təqdim olunub.
https://www.youtube.com/watch?v=mSeYNaX7sgY&feature=youtu.be
