“20 Yanvar faciəsi”nin 28-ci ildönümü ilə əlaqədar tədbir keçirilib
“20 Yanvar faciəsi”nin 28-ci ildönümünün keçirilməsi ilə əlaqədar məktəbin tədbirlər planında bir sıra tədbirlər öz əksini tapmışdır. 17.01.2018-ci il tarixdə "20 Yanvar faciəsi"nin 28-ci ildönümü ilə əlaqədar məktəbin akt zalında tədbir keçirilib. İlk öncə şəhidlərimizin xatirəsi bir dəqiqəlik sükutla yad edilib. Sonra məktəbin tərbiyə işləri üzrə direktor müavini Rəhimova Sevda "20 Yanvar faciəsi" şəhidlərinin Vətənin azadlığı uğrunda gedən döyüşlərdə göstərdiyi şücaətlərdən, qəhrəmanlıqlardan danışıb. O, öz çıxışında 20 Yanvar 1990-cı ildə keçmiş sovet dövlətinin Azərbaycan xalqına qarşı həyata keçirdiyi hərbi təcavüzün insanlığa qarşı törədilmiş ən ağır cinayətlərdən biri olduğunu, milli azadlıq və ərazi bütövlüyü uğrunda mübarizəyə qalxmış yüzlərlə günahsız insanın qətlə yetirildiyini və yaralandığını qeyd etmişdir. Hazırlanmış əbədi-bədii kompozisiyada X a sinif şagirdi Məmmədzadə Qorxmaz “Şəhidlər”, V b sinif şagirdlərinin hazırladıqları “Faciə günü” kompozisiyası , X a sinif şagirdi Əliyeva Aysu “20 Yanvar-qanlı yanvar” mahnı, V b sinif şagirdləri “İgid əsgər”, IV c sinif şagirdi Rzayeva Çinarə “Şəhidlər ölmür” adlı şeirlə çıxış etmişlər. Daha sonra foyedə faciəni əks etdirən foto-stendə, yuxarı sinif şagirdlərinin rəsm əsərlərinə və sərgilənən kitablara baxış keçirilib.
