" Gənc kimyaçıların yaradıcılıq müsabiqəsi " nin II mərhələsinin qalibi olduq
Bakı Şəhəri üzrə Təhsil İdarəsinin 15 noyabr 2017-ci il tarixli 228 və 229 nömrəli əmrlərinə əsasən ümumtəhsil məktəbləri və uşaq-gənclər inkişaf mərkəzlərinin şagirdləri arasında gənc fiziklərin və gənc kimyaçıların yaradıcılıq müsabiqələri keçirilir. Müsabiqələrin ikinci-rayon mərhələsi 2017-ci il 6-7 dekabr tarixlərdə Pirallahı rayonunda yerləşən 4 nömrəli Uşaq-Gənclər İnkişaf Mərkəzində keçirildi. Müsabiqədə iştirak edən məktəbimizin gənc kimyaçılar komandası rayon üzrə I, gənc fiziklər komandası isə rayon üzrə III yerləri qazandılar. I yeri qazanmış gənc kimyaçılar komandamız növbəti final-şəhər turuna qatılacaq. Qalib komandanın rəhbəri və komanda üzvlərini təbrik edirik, final mərhələsində onlara uğurlar arzulayırıq.
