Ekskursiyalar təşkil olunub
Məktəblilərin payız tətili günlərini səmərəli keçirmələri üçün 17.10.2017-ci il tarixdə məktəbin dil-ədəbiyyat müəllimi, 5 a sinfinin rəhbəri İsmayılova Pərvanənin təşkilatçılığı ilə Azərbaycan Milli Tarix muzeyinə, Şirvanşahlar sarayına, İçərişəhərə ekskursiya təşkil olundu. Bu ekskursiyada 5 a və 5 c sinfinin şagirdləri və məktəbin tarix müəllimi Sadıqova Səkinə də iştirak etdilər. Şagirdlər muzeydə tarixi keçmişimizlə tanış olub, milyonçu H.Z.Tağıyevin ev muzeyini ziyarət etdilər. Şirvanşahlar sarayı və İçərişəhəri gəzərkən qədim memarlıq abidələri ilə yaxından tanış oldular. Ekskursiyalar zamanı müəllimlər şagirdlərə dəyərli məlumatlar verdilər. Şagirdlər ekskursiya boyu video və şəkillər çəkdilər və oradan dərin təəsürratla ayrıldılar.
