Pirallahı məktəbliləri Gəncə-Şəmkir-Göygöldən xoş təəssüratlarla qayıdıblar
Azərbaycan Respublikasının Prezidenti İlham Əliyevin tapşırığına əsasən respublikamızın şəhər və rayonlarının IX-XI sinif şagirdləri üçün “Ölkəmizi tanıyaq” devizi altında maarifləndirici tur-aksiyalarda iştirak edən Pirallahı rayonunun məktəbliləri aksiyanı başa vuraraq geri dönüblər. Bu tur-aksiya çərçivəsində Pirallahı rayonunun ümumtəhsil məktəblərinin IX-XI sinif şagirdləri Gəncə, Şəmkir və Göygölün tarixi abidələri, müqəddəs məkanları, mədəniyyət mərkəzləri, eləcə də son illərdə inşa edilən turizm və istirahət məkanları ilə tanış olublar. Tur-aksiyanı başa vuran məktəblilər "Ölkəmizi tanıyaq" tur-aksiyası çərçivəsində Azərbaycanın Qədim Nizami yurduna səfər ediblər. Şəmkir və Göygöl rayonlarının səfalı guşələri, tarixi yerləri ilə tanış olublar.
