Ümummilli liderimiz Heydər Əliyevin 94 illik yubileyi qeyd olundu
Məktəbimizdə hər il olduğu kimi bu il də ümummilli liderimiz Heydər Əliyevin doğum gününə həsr olunmuş tədbirlər silsiləsi həyata keçirilir. Bu tədbirlərdən biri də bu gün, məktəbimizin akt zalında məktəb rəhbərliyinin, müəllim və şagird heyətinin iştirakı ilə keçirilən ulu öndəribn 94-illik yubileyinə həsr olunmuş “Sən elə bir zivəsən..” adlı tədbiri oldu. Tədbirdə ulu öndərin şərəfli həyat yolu, tariximizdə yeri, ölkəmizin inkişafında əvəzolunmaz xidmətləri gözlər önünə sərildi. Heydər Əliyevin təhsil, mədəniyyət, elm sahəsində gördüyü böyük işlərdən, ölkəmizin sosial-iqtisadi və siyasi inkişafı üçün həyata keçirdiyi uğurlu layihələrdən söhbət açıldı. Tədbirin gedişatı prosesində iştirakçılara ümummilli liderin həyat və fəaliyyətini özündə əks etdirən sənədli filmin nümayişi həyata keçirildi. Tədbirin sonunda şagirdlər ulu öndərə həsr edilmiş şeir və mahnılar ifa etdilər.Sonda məktəbin direktoru Mikayılov Şakir ulu öndər haqqında öz ürək sözlərini dilə gətirdi və şagirdlərimizi, məhz bu dahi şəxsiyyətdən nümunə götürməyə səslədi.
