“Bakı 2015” Birinci Avropa Oyunlarına həsr olunmuş intellektual oyun keçirildi.
Bu gün məktəbimizin VIII, IX və X sinif şagirdlərindən ibarət 8 nəfərlik yığma komanda “Bakı 2015” Birinci Avropa Oyunlarına həsr olunmuş intellektual oyun üzrə 2015-ci ilin regional məktəb çempionatında iştirak etmişdir. Əksəriyyəti litsey, gimnaziya olmaqla 64 məktəb üzrə keçirilən çempionatda komanda üzvlərimiz yüksək fəallıq göstərməklə fərqlənmiş, Pirallahı rayonu üzrə olan ümumtəhsil məktəblərini geridə qoyaraq ilk 20-liyə düşməyə nail olmuşdur. Bununla da seçilmiş şagirdlər arasında keçirilən fərdi oyuna vəsiqə qazanaraq 50 sualdan ibarət testləri cavablandırmışlar. Məktəbimizi bu yarışda təmsil edən hər bir şagirdimizə təşəkkür edir, onlara gələcək fəaliyyətlərində uğurlar arzulayırıq. Siz bizim fəxrimiz və qürur mənbəyimizsiniz əziz şagirdlərimiz.
