Əli balamızın növbəti uğuru
Məktəbimizin 6 "C" sinif şagirdi Yusublu Əli “Məhsul” KKHKİC-nin Respublika Şurasının Yunan-Roma güləşi üzrə yeniyetmələr arasında 26 kq çəki dərəcəsində qalib gələrək I yerə layiq görülmüşdür. O, bu möhtəşəm qələbəsinə görə medal və fəxri diplomla mükafatlandırılmışdır. Qeyd edək ki, bu Əli balamızın ilk uğuru deyil. Daha öncə o, Rusiyanın paytaxtı Moskva şəhərində keçirilən Beynəlxalq idman yarışında Yunan-Roma güləşi üzrə 26 kq çəkisində 2000-2005 təvəllüdlü yeniyetmələr arasında qalib gələrək I yerə layiq görülmüşdür. Şagirdimizin bu uğuru bütün sinif yoldaşlarını, eləcə də başda sinif rəhbəri Musayeva Sevda olmaqla məktəbimizin bütün pedaqoji heyət üzvlərini ürəkdən sevindirir. Əli balamızı təbrik edir, səsinin hər zaman zirvələrdən eşidilməsini arzulayırıq.
