Müdrik şəxsiyyət Heydər Əliyev
Dekabrın 12-də yuxarı məktəbin direktoru Elnur Bayramov, məktəbin tərbiyə işləri üzrə direktor müavini Sevda Rəhimova, UBR Zülfünaz Abasova, psixoloq Röya Qəhrəmanovanın iştirakı ilə Ulu Öndər, dahi şəxsiyyət Heydər Əliyevin anım gününə həsr olunmuş tədbir keçirilib. Tədbir himn səsləndirilməsi ilə başlayıb.Ümummilli lider Heydər Əliyevin əziz xatirəsi bir dəqiqəlik sükutla yad olunub. Tədbirdə məktəbin tarix müəllimi Şəfəq Abdıyeva müasir Azərbaycan dövlətinin memarı və qurucusu Heydər Əliyevin Azərbaycan tarixində və beynəlxalq aləmdəki rolu və demokratik, hüquqi dövlət quruculuğu istiqamətində həyata keçirdiyi uğurlu siyasəti barədə ətraflı məlumat verib. Bildirib ki, ölkəmiz dünyada layiq olduğu mərtəbəyə Ulu Öndərin uzaqgörənliyi, müdrikliyi, qətiyyəti, dəmir iradəsi, zəngin dövlətçilik təcrübəsi sayəsində yüksələ bilib.
Daha sonra Ulu Öndər Heydər Əliyevin mənalı həyatı və siyasi fəaliyyətinə həsr edilmiş videoçarx nümayiş etdirilib, şagirdlərinin ifasında Heydər Əliyevə həsr olunmuş şerlərin və mahnıların səsləndirilməsi ilə tədbir davam edib.
Tədbirin sonunda məktəbin direktoru Elnur Bayramlı çıxış edərək Heydər Əliyevin həyat və fəaliyyəti, onun Azərbaycan tarixindəki rolu barədə danışıb. Dahi liderin diqqət və qayğısı sayəsində digər sahələr kimi, elm və təhsil sahəsində də böyük nailiyyətlərin əldə olunduğunu vurğulayıb.
