Füzuli, sən azadsan!
Oktyabrın 18-də məktəbin tərbiyə işləri üzrə direktor müavini Rəhimova Sevda, Uşaq Birliyi Rəhbəri Abasova Zülfünazın təşkilatçılığı və 7"A",7"B",7"C" sinif rəhbələrinin iştirakı ilə Müstəqilliyin Bərpası Günü və 17 oktyabr Füzuli şəhərinin işğaldan azad olunmasının ikinci il dönümünə həsr olunmuş tədbir kecirilib. Tədbirdə Piralllahı Rayon İcra Hakimiyyətinin əməkdaşları - Arzu Babayev və Sübhay Məmmədov iştirak ediblər. Tədbir Dövlət Himninin səsləndirilməsi ilə başlanıb. Şəhidlərin əziz xatirəsi bir dəqiqəlik sükutla yad edilib. Giriş sözü ilə məktəbin təlim- tərbiyə işləri üzrə direktor müavini Türkel Abdıyeva çıxış edib. O öz çıxışanda 44 günlük müharibədə qazanılan zəfərdən, Ali Baş Komandan, Cənab İlham Əliyevin apardığı daxili və xarici siyasətindən danışıb. Sonra bədii hissə başlanıb. Şagirdlər milli vətənpərvətlik ruhunda şeirlər söyləyib, mahnılar və rəqslər ifa edib, səhnəcik və kompozisiyalar nümaiş etdiriblər. Sonra Füzuli uğurunda canından keçən şəhidlərimizin döyüş yoluna həsr olunan səhnəciklər göstərilib. Sonda isə şagirdlər "Qarabağ Azərbaycandır!" adlı kompozisiya ilə tədbirə yekun vurublar.
