Məktəbimizdə "Bayraq Yürüşü" keçirildi
Noyabrın 8-də məktəbimizdə Tərbiyə işləri üzrə direktor müavini Rəhimova Sevdanın təşkilatçılığı ilə “Bayraq yürüşü” keçirildi. 9 noyabr-Azərbaycan Respublikasının Dövlət Bayrağı Günü ilə əlaqədar keçirilən yürüşdə məktəbin ibtidai və yuxarı sinif şagirdləri, pedaqoji və texniki işçi heyətinin üzvləri, valideynlər iştirak edirdilər.Yürüş Azərbaycan Respublikasının Dövlət Himninin səsləndirilməsi ilə başlayıb. Daha sonra şagirdlər bayrağımıza həsr olunmuş şeirlər səsləndirib, mahnı və rəqslər ifa ediblər.Yürüşün keçirilməsində əsas məqsəd milli atributlarımızın təbliği, gənclər arasında vətənpərvərlik hisslərinin və milli-mənəvi dəyərlərin aşılanması idi.
