"Ekologiyanı Qoruyaq" mövzusunda tədbir keçirildi
03. 11. 2016-cı il tarixində məktəbimizə Ekologiya və Təbii sərvətlər Nazirliyinin əməkdaşları məktəb rəhbərliyinin dəvətilə qonaq qismində gəlmişdilər. Onlar şagirdlərə ekoloji problemlərdən, ətraf mühiti zəhərləyən tullantılardan, onların insan orqanizminə, insan həyatına törətdiyi zərərli fəsadlardan söhbət açaraq dünyanın ağciyəri sayılan meşələrin məhv edilməsinin qarşısının alınması, sudan qənaətlə istifadə edilməsi, ikinci dünya müharibəsindən sonra neftli torpaqların təmizlənməsi, təbiətin qorunması, ağacların əkilməsinin əhəmiyyəti haqqında ətraflı məlumatlar verdilər. Həmçinin, şagirdləri ölkəmizdə ekologiya sahəsində aparılan yeniliklər haqqında slayd görüntüləri ilə tanış etdilər. Slaydlarla təqdimata baxış keçirildikdən sonra şagirdlərlə qarşılıqlı diskussiya şəraitində onları maraqlandıran suallar cavablandırıldı. Tədbirdə VII, VIII, IX, X, XI sinif şagirdləri iştirak edirdilər. Məktəbimizin dəvətinə xüsusi qayğı ilə yanaşan Ekologiya və Təbii Sərvətlər Nazirliyinin əməkdaşlarına müəllim və şagird kollektivimiz adından xüsusi Təşəkkür edirik.
