Novruz bayramına həsr olunmuş əl işləri
Elimizin, xalqımızın ən əziz bayramı olan Novruz yurdumuza qədəm qoyur. Ulularımızdan bizə yadigar qalan, milli ruhumuzu və yaddaşımızı bütün zənginliyi ilə özündə əks etdirən bu bayram münasibətilə Təhsil İdarəsinin 01.03.2022-ci il tarixli F-85 nömrəli əmrinə əsasən "Bahar çələngi" layihəsinin icrası ilə bağlı məktəbdə silsilə tədbirlər keçirilir.
14. 03, 2022-ci il tarixindən etibarən məktəbin tərbiyə işləri üzrə direktor müavini Sevda Rəhimovanın təşkilatçılığı ilə novruz adət-ənənələrini özündə əks etdirən əl işlərindən ibarət sərgi nümayiş etdirilir. Şagirdlər tərəfindən sərgidə təqdim olunan əsrarəngiz əl işlərində Novruz bayramının rəmzi olan bütün atributlar öz yerini almışdır. Sərgi hər kəsin böyük marağına səbəb olmuşdur.
