Şəhid Orxan Dadaşlının ailəsi ziyarət olunub
06.11.2021-ci il tarixində Bakı şəhəri Pirallahı rayonu 168 nömrəli tam orta məktəb- sinif rəhbəri Pərvanə Ismayılova başda olmaqla,şəhid Dadaşlı Orxan adına 9"A" sinif şagirdləri (Kiçik akademiyanın şagirdləri), tərbiyə işləri üzrə direktor müavini Sevda Rəhimova, tarix müəllimi Şəfəq Abdıyeva , məktəb işçiləri - Səbinə Süleymanova, Günel Həsənova və valideynlər II Qarabağ müharibəsində -Şuşa döyüşlərində şəhid olan Dadaşlı Orxan Elxan oğlunun ailəsini ziyarət etmək üçün Lənkəran rayonunun Sabir kəndinə getmişlər.Sinif və heyət üzvləri Dadaşlı Orxanın ev muzeyini ziyarət edib, şəhidin anası ilə Dadaşlı Orxanın həyat və döyüş yolu haqqında maraqlı söhbətlər apararaq onun fotoşəkilləri,şəxsi əşyaları ilə yaxından tanış olublar. Məktəb və sinif adından şəhidin ailəsinə xüsusi hazırlanmış xatirə xalçası , 168 nömrəli tam orta məktəb adından valideynə təşəkkürnamə təqdim olunmuşdur.Şəhidin adını əbədiləşdirmək üçün ucaldılmış abidənin bağında ağaclar əkilib, sonra Lənkəran şəhidlərinin və Şəhid Orxan Dadaşlının uyuduğu şəhidlər xiyabanı ziyarət olunub, şəhidlərin məzarları üzərinə tər qərənfillər düzülüb. Allah bütün şəhidlərimizə rəhmət eləsin. Amin
