Şəhid Baş Leytenant Muxtar Qasımlının ailəsi ziyarət olundu
Bu gün daha bir şəhidimizin ailəsi ilə görüş keçirildi.
Ziyarətə məktəbin direktoru Mehparə Mansırova,direktor müavini Sevda Rəhimova, 5 "B" sinfi və sinif rəhbəri Vəfa Nadirova, bir qrup müəllim və valideynlər qatıldı.Şəhidin ailəsinə başsağlıği verildi.Sonra məktəb və sinif adından xatirə olaraq ailəyə təqdim olundu.
5"B" sinfi şəhid Muxtar Qasımlının adını qürurla daşıyır. Müəllim və şagirdlər şəhidin məzarını ziyarət edib güllər düzdülər.
Muxtar Qasımlı 23 fevral 1993-cü ildə Bakı şəhərində anadan olub. 2008-ci ildə Bakì şəhəri 318 nömrəli tam orta məktəbə daxil olmuşdur. 2009-cu ildə məktəbi bitirmişdir. 2009-2013-cü illərdə Azərbaycan Dövlət Bədən Tərbiyəsi və Idman Akademiyasının kikboksinq fakültəsi üzrə bakalavr təhsili almışdır. Erkən yaşlarından idmana marağı olub. Dəfələrlə yarışlarda iştirak edib və mükafatlara layiq görülüb. 27 oktyabr 2019-cu ildə fitnes üzrə Azərbaycan çempionu adına layiq görülmüşdür.
Azərbaycan Silahlı Qüvvələrinin baş leytenantı olan Muxtar Qasımlı 2020-ci il sentyabrın 27-də Azərbaycan və Ermənistan arasında başlanan II Qarabağ müharibəsi zamanı Füzuli uğrunda gedən döyüşlərdə savaşıb. Oktyabrın 2-də Füzuli döyüşlərində qəhrəmancasına şəhid olmuşdur.
Bakı şəhəri Qala qəbiristanlığında dəfn olunub.
