Füzulinin azad edilməsinin ildönümü qeyd olundu
30 il ərzində düşmən təmas xəttində o qədər möhkəm istehkam qurmuşdur ki, bəziləri hesab edirdi ki, Füzuli şəhərini işğaldan azad etmək mümkün deyil. Hətta ən tanınmış hərbi mütəxəssislər də belə fikirdə idi ki, Füzulini götürmək, onu işğaldan azad etmək üçün bəlkə aylarla vaxt lazım olacaq və bu əməliyyat uğurla nəticələnəcək-nəticələnməyəcək hələ böyük sual altında idi. Ancaq möhtərəm prezidentimiz cənab İlham Əliyevin rəhbərliyi ilə müzəffər Azərbaycan Ordusu bu şərəfli missiyanın öhdəsindən gələ bildi və qısa müddət ərzində Füzuli rayonunun əksər kəndləri və Füzuli şəhəri düşmənin tapdağından azad edildi. 17 oktyabr 2020 ci il zəfər tariximizin şanlı səhifələrindən biridir. Və bu gün Füzulinin azadlığının ildönümünü qeyd edirik.
