Xatirə bulağının açılışı
Tarix müəllimi Quran Hafizi Şəhid Elgün Quliyevin xatirəsinə ucaldılan abidə bulaq kompleksinin açılış mərasimi olub.
Mərasim 17.09.2021-ci il tarixində Şamaxı rayonu Göylər kəndində şəhidin doğum günündə keçirildi. Mərasimdə Şamaxi rayon İcra Hakimiyyətinin əməkdaşları, şəhidin valideynləri, qazilər, şəhidin müəllimləri, kənd sakinləri toplaşmışdılar. Bu mərasimdə Bakı Şəhəri Piallahı rayonu 168 nömrəli tam orta məktəbin tərbiyə işləri üzrə direktor müavini Sevda Rəhimova, şəhid Elgün Quliyevin adını daşıyan 7"Ç" sinfinin şagirdləri və sinif rəhbəri Günel Həsənova, Kiçik akademiyanın müəllim və şagird heyəti, məktəbin riyaziyyat müəllimi Natəvan Hacıyeva, Əbdülxaliq Mustafayev və valideynlər də iştirak etdilər. Şəhid ailəsinə öz dərin hörmət və ehtiramlarını çıxışları ilə bildirdilər. Sonra şəhidin ev muzeyi ilə tanış olundu. Sinif adından xatirə olaraq üzərində şəhidin şəkli həkk olunmuş xalça ailəyə təqdim olundu. Daha sonra şəhidin məzarı ziyarət edildi, tər qərənfillər düzüldü. Bu gün xalqımız şəhidlərin xatirəsini əziz tutur və illər keçsə də bu ehtiram əbədi olacaq. Allah bütün şəhidlərimizə rəhmət eləsin.
