Şəhid Fəxri Məmmədovun ailəsi ziyarət olundu
Daha bir şəhid ziyarət edilib, ailəsi ilə görüş keçirildi. Məmmədov Fəxri Habil oğlu 27.07.2000-ci il tarixində Bakı şəhəri Suraxanı rayonu Hövsan qəsəbəsində dənizçi ailəsində anadan olmuşdur. 2004-cü ildə ailəsi Sabunçu rayonuna köçmüşdür. Fəxrinin bütün uşaqlıq xatirələri Sabunçu qəsəbəsi ilə bağlıdır. Dostları ilə həmişə mehriban davranar, dürüstlüyü sevərdi. Gənc yaşlarından futbol və kik boks idman növü ilə məşğul olmuş, kik boks federasiyasının idmançı tələbəsi olmuşdur. Ilk təhsilini 2007-ci ildə Bakı şəhəri Sabunçu rayonu Şəhid Cəlal Məmmədyarov adına 155 nömrəli tam orta məktəbdə almışdır.Oxuduğu müddət ərzində nümunəvi və sadə şagird kimi yaddaşlarda qalmışdır. 27 sentyabr 2020-ci il tarixində Azərbaycan Respublikasının erməni təcavüzkarlarına qarşı başlatdığı əks hücum əməliyyatı Vətən müharibəsində iştirak etmiş, Füzuli və Cəbrayıl rayonlarının azadlığı uğrunda mübarizə aparmışdır. 27 sentyabr 2020 -ci il tarixində Cəbrayıl rayonunun Nüzgar kəndi istiqamətində gedən döyüşdə qəhrəmancasına şəhidlik zirvəsinə ucalmışdır. Ölümündən sonra 15 dekabr 2020 -ci il tarixində "Vətən uğrunda" və 25 dekabr 2020 -ci il tarixində "Füzulinin azad olunmasına görə" medalı ilə təltif edilib. Allahdan bütün şəhidlərimizə rəhmət, qazilərimizə şəfa diləyirik.
