Şəhid ziyarəti və ailəsi ilə görüş
14.06. 2021-ci il tarixində 168 nömrəli məktəbin Şuşa Fatehi şəhid Maarif Əliyevin adını daşıyan 4ç sinfi "Şəhid ziyarəti və ailəsi ilə görüş" mərasimi keçirdi.
Mərasimdə məktəbin Tərbiyə işləri üzrə direktor müavini Sevda Rəhimova, həmin sinfin sinif rəhbəri Ləman Qaracayeva, Kiçik Akademiyanın kiçik üzvləri (4 ç sinif şagirdləri) və valideynlər iştirak etdi.
Əvvəlcə şəhid ziyarət edildi.Məzarı önündə şagirdlər vətənpərvər mövzularda çıxış etdilər, Şuşa Fatehinin keçdiyi qəhrəmanlıq salnaməsindən söhbətlər açıb, şeirlər səsləndirdilər. Sonra şəhidin məzarı üzərinə tər qərənfillər düzdülər. Bu xiyabanda uyuyan 44 günlük Vətən müharibəsində eyni döyüş yolunu keçib şəhid olmuş bütün şəhidlərin də əziz xatirəsi yad edildi, qərənfillər düzüldü.
Daha sonra şəhidin evinə gedilərək ailəsi ilə görüş keçirildi.Şəhidin ev muzeyi ilə tanış olundu. Sonda 168 nömrəli məktəbin 4ç sinfi tərəfindən hazırladılmış üzərində Şuşa Fatehi şəhid Maarif Əliyevin şəkli həkk olunmuş fotoxalça xatirə olaraq ailəyə təqdim olundu və şəhidə Allahdan rəhmət diləndi.
