İbtidai siniflərimizin yaz tətilinin təşkili
Bu gün məktəbimizin II, III və IV sinif şagirdləri sinif rəhbərləri M. İradə, Ə. Xırdaxanım və Ə. Nigarın rəhbərliyi altında Azərbaycan Dövlət Gənc Tamaşaçılar teatrında “Məlikməmməd və üç almanın nağılı” tamaşasının premyerasında iştirak ediblər. Tamaşadan sonra teatrın aktyor heyəti ilə tanış olan balacalarımız öz sualları, qeyri-adi məntiqləri ilə hər kəsi təəccübləndiriblər. Daha sonra ibtidai siniflər Qız qalası, Şirvanşahlar abidə kompleksi və Nərimanov parkı ərazisində ekskursiya zamanı unudulmaz anlar yaşayaraq şəhərimizin görməli, gəzməli məkanları ilə tanış olublar. Məktəblilərin yaz tətili ərəfəsində həyata keçirilən gəzintinin əsas məqsədi şagirdlərimizi tariximiz, incəsənətimizlə yaxından tanış etmək, onlarda incə estetik zövqün, dünyagörüşünün, bədii yaradıcılıq qabiliyyətinin inkişaf etdirilməsi, həmçinin yaz tətilinin səmərəli təşkili olub. Sinif rəhbərləri M.İradə, Ə. Xırdaxanım, Ə. Nigar Pirallahı Rayon İcra Hakimiyyətinin rəhbərliyinə onların bu fikrini dəstəklədiyinə və ekskursiyanın reallaşması üçün şagirdlərin müvafiq nəqliyyat vasitələri ilə təmin edildiyinə görə öz dərin minnətdarlığını bildirir. Rayon rəhbərliyinin məktəbimizə və şagirdlərimizə qarşı olan diqqət və qayğısı müəllimlərimizin səmərəli fəaliyyətinin və uğurlarını əsas sığortaçısıdır.
