Heydər Əliyev irsini öyrənək
Müasir Azərbaycan dövlətinin memarı və qurucusu, xalqının və dövlətinin müstəqilliyi, inkişafı naminə böyük və əvəzedilməz işlər görmüş Ümummilli lider Heydər Əliyev hər zaman fəxr edəcəyimiz, qürur hissi ilə xatırlayacağımız dahi şəxsiyyətdir. Heydər Əliyev Azərbaycan xalqının və dövlətinin taleyüklü problemlərini həll edən dahi tarixi şəxsiyyət olmaqla yanaşı, həm də tarixi yaradan şəxsiyyətdir.
Heydər Əliyevin 98-ci ildönümü ilə əlaqədar məktəbdə silsilə tədbirlər davam edir. Azərbaycan dövləti və xalqı üçün əvəzedilməz işlər görmüş Ulu Öndərin zəngin siyasi irsinin gənc nəsil tərəfindən öyrənilməsi işini daha da gücləndirmək məqsədilə 5-7 may tarixləridə məktəbin 5-7-ci siniflərində açıq distant dərslər, ibtidai sinifləri arasında rəsm müsabiqəsi, 9-11-ci sinif şagirdləri arasında "Heydər Əliyev və Azərbaycan" mövzusunda inşa yazı müsabiqəsi, video təqdimatlar, onlayn dərslər keçirildi.
