Respublika fənn olimpiadaları
10-12 fevral tarixlərində Pirallahı rayonu üzrə 235 nömrəli tam orta məktəbdə riyaziyyat və kimya, fizika, coğrafiya, biologiya, informatika, Azərbaycan dili və ədəbiyyat və tarix fənləri üzrə Respublika fənn olimpiadaları keçirilib.
Göstərilən fənlər üzrə məktəbin IX, X, XI, həmçinin xüsusi istedada malik VIII sinif şagirdləri (21 şagird) iştirak etdi
Mövcud epidemioloji vəziyyətlə əlaqədar lazımi tədbirlər görülərək olimpiada iştirakçıları imtahana buraxılıb. Nəzarətçilər iştirakçıları təlimatlandırdıqdan sonra saat 10:00-da imtahan başlayıb.İmtahana nəzarət BŞTİ-nin əməkdaşları tərəfindən aparılıb.
Olimpiadaların təşkilində məqsəd istedadlı şagirdlərin aşkar edilməsi, onlarda fənlərin dərindən öyrənilməsinə marağın artırılması, bilik və bacarığı, eləcə də çalışqanlığı ilə seçilən şagirdlərin qiymətləndirilməsindən ibarətdir.
Respublika fənn olimpiadalarının şəhər mərhələsinin nəticələri yaxın günlərdə açıqlanacaq. Bu mərhələdə uğur qazanmış şagirdlər olimpiadanın növbəti mərhələsində iştirak etmək hüququ qazanacaq.
