Gül Bayramı ilə əlaqədar iməclik keçirildi
Ölkəmizdə həyata keçirilən sosial-iqtisadi islahatların əsas məqsədlərindən biri də ətraf mühitin mühafizəsini və insanların sağlam təbii şəraitdə yaşamasını ən yüksək səviyyədə təmin etməkdir. Ümummilli liderimiz Heydər Əliyevin anadan olmasının 93-ci ildönümü ilə əlaqədar olaraq 10 may tarixində məktəbimizdə məktəbin müəllim, şagird və texniki işçilərin mütəşəkkil surətdə iştirakı ilə iməclik keçirilmiş, məktəbyanı ərazidə, məktəb həyətində kütləvi abadlıq, təmizlik işləri görülmüşdür. İməclik zamanı məktəbimizin bütün pedaqoji heyəti fəal işləmiş, məktəbin həyətində olan torpaq sahəsi şumlanmış, alaq otlarından təmizlənmiş, ağacların gövdələri əhənglənmiş, quru budqları kəsilmiş, dibləri yumşaldılmış, yeni ağaclar əkilmişdir. Məktəbimizdə şagirdlərdə əmək tərbiyəsini formalaşdırıb inkişaf etdirən, ətraf mühitə və dövlətə, onun maddi sərvətlərinə qarşı qayğı, diqqət hissi aşılayan bu cür nəcib aksiyalar mütəmadi olaraq bu hər zaman keçirilməkdədir. İməclik aksiyasının növbəti həftələrdə də davam etdirilməsi nəzərdə tutulub.
