"Ekolab" layihəsində rayon üzrə I yerə layiq görüldük
Pirallahı rayon Uşaq Yaradıcılıq mərkəzində rayon ərazisində fəaliyyət göstərən ümumtəhsil müəssisələrinin şagirdləri arasında "Beynəlxalq Yer Gününə" həsr olunmuş Ekoloji problemlər mövzusunda "Ekolab" layihəsi çərçivəsində olimpiada keçirilmişdir. Məktəbimizi bu olimpiadada təmsil edən X sinif şagirdləri Əliyev Urfan və Bayramov Emil layihə çərçivəsində Biologiya fənni üzrə Piralllahı rayon məktəbliləri arasında birincilik qazanaraq məktəbimizə qələbənin sevincini yaşatmışlar. Öz çıxışları və mövzu üzrə hazırladıqları təqdimatla münsifləri sözün əsl və yaxşı mənasında təəccübləndirən şagirdlərimiz bununla da “Ekolab” layihəsinin şəhər turunda iştirak etmək üçün vəsiqə qazanıblar. Şagirdlərimizi pedaqoji heyətimiz adından təbrik edir, uğurlarının davamlı olmasını arzulayırıq.
