“Heydər Əliyev və Azərbaycan tarixi”
Dekabrın 24-də Bakı Şəhər İcra Hakimiyyəti və Bakı Şəhəri üzrə Təhsil İdarəsinin ilə birgə təşkil etdiyi “Heydər Əliyev və Azərbaycan tarixi” kitabının təqdimetmə mərasimi keçirilib. Kitabda Ulu öndər Heydər Əliyevin anadan olmasının 96-cı ildönümü münasibətilə keçirilən Bakı məktəblilərinin elmi-praktik konfransında dinlənilmiş məruzələr öz əksini tapıb. Qeyd edək ki, may ayında keçirilmiş konfransda məktəbin 11-ci sinif şagirdi Qorxmaz Məmmədzadə iştirak etmişdi. Q.Məmmədzadənin elmi rəhbəri məktəbin tərbiyə işləri üzrə direktor müavini Sevda Rəhimova olmuşdur. “Heydər Əliyev və Azərbaycan tarixi” mövzusunda yazılan tədqiqat işi kitabda yer almışdır.
