164 №-li tam orta məktəb

ŞAGİRDLƏRİMİZ MÜSABİQƏDƏ I YERİ TUTUBBakı Şəhəri üzrə Təhsil İdarəsinin müvafiq əmrinə əsasən, ümumi təhsil məktəbləri və uşaq-gənclər inkişaf mərkəzlərinin IX-XI sinif şagirdlərindən ibarət komandaları arasında keçirilən “Gənc bioloqların yaradıcılıq müsabiqəsi” nin rayon mərhələsi başa çatıb. Yarışda iştirak edən məktəbin “Qartal” komandası I yerə layiq görülüb.

MƏKTƏBİN ŞAGİRDİ OLİMPİADA QALİBİ ADINA LAYİQ GÖRÜLÜBMəktəbin VIII sinif şagirdi Əzizova Səidə Fuad qızı Rus dili və ədəbiyyatı üzrə X olimpiadada qalib olub. Məktəbli Bakı Slavyan Universitetində (BSU) olimpiadaya yekun vurulması münasibətilə keçirilən təntənəli mərasimdə diplomla təltif edilib. Qeyd edək ki, olimpiadada Azərbaycanın 51 şəhər və rayonundakı 605 ümumtəhsil müəssisəsindən 2811 şagird iştirak edib.

İDMANÇILARIMIZ DİPLOMLA TƏLTİF OLUNUBMəktəbimizin idmançıları məktəblər arasında respublika çempionatının rayondaxili mərhələsində atletika idman növü üzrə yarışda uğurla çıxış edərək ikinci yerə layiq görülüb və diplomla təltif olunublar.